Türkiyə Fransaya Paris teraktını törədən şəxslərdən biri haqqında iki dəfə qabaqcadan məlumat verib.

Axar.az xəbər verir ki, bu barədə informasiyanı Böyük Britaniyanın "Teleqraf" qəzeti yayıb. Qəzet xəbərdarlıqların 2014-cü ilin dekabrında və 2015-ci ilin iyununda olduğunu bildirib:

"Söhbət 29 yaşlı İsmayıl Ömər Mustafayedən gedir. O, Bataklan konsert zalına hücum edən qrupa daxil olub. Bu şəxs Türkiyəyə 2013-cü ildə Ədirnədən daxil olub, amma sonradan onun ölkədən çıxması barədə Ankara heç bir məlumat ala bilməyib. Türkiyə 2014-cü ilin oktyabr ayında Parisdən dörd şəxsin terrorçuluqda şübhəli bilinməsi ilə bağlı məlumat əldə edir, ancaq bunlardan yalnız Mustafaye Ankara tərəfindən potensial terrorçu kimi dəyərləndirilir".