Yolu telefondan ayrılmadan keçən piyadaların sayı gün-gündən artır.

Axar.az xəbər verir ki, "Ford" şirkəti 10 Avropa ölkəsində tədqiqat aparıb.

Şirkət araşdırma nəticəsində piyadanın yolu mobil qurğuya aludə olaraq ətrafdakı vəziyyətə məhəl qoymadan keçməsinin daha çox hansı ölkədə olduğunu müəyyənləşdirib.

Məlumata əsasən, yolu keçən 18-24 yaşlı gənclərin 86 faizi əksər hallarda gözlərini telefondan çəkmir. Bu yaş qrupunda olan insanların böyük əksəri ya telefonla danışır, ya musiqi dinləyir, ya da mesaj yazır.

Yaş qrupları ümumiləşdirildikdə mobil qurğu istifadəçilərinin 65 faizinin diqqətinin yoldan ayırıldığı məlum olub.

Təhqiqat əsasında məlub olub ki, ən səhlənkar piyadalar Rumıniya sakinləridir. Burada rəyi soruşulan piyadaların 83 faizi etiraf edib ki, yolu keçərkən eyni anda telefon və ya planşetlə işləyir. Bu göstərici üzrə sonrakı yerlərdə 67 faizlə İtaliya və 65 faizlə İspaniya qərarlaşıb.

Sorğu nəticəsində piyadaların 22 faizi bildirib ki, yolu keçən zaman mobil qurğudan istifadə etdiklərinə görə yol nəqliyyat hadisəsi və ya təhlükəli vəziyyətlə üzləşiblər.