İngiltərənin Fransa ilə oynadığı hazırlıq matçı tarixi anlara səhnə olub.

Axar.az xəbər verir ki, dünyanın ən böyük stadionlarından biri - tarixi Uembli stadionunda təxminən 80 min ingilis, Fransa Milli Marşı Marselyozanı oxuyub.

Parisdə yaşanan və 129 nəfərin həlak olduğu dəhşətli terror hücumundan sonra Fransaya dostluq və həmrəylik jesti edən İngiltərə Uembli stadionunu bayır tərəfdən Fransa bayrağının rənglərinə boyayıb. Bununla yanaşı, stadionun girişinə Fransa inqilabının "Azadlıq, bərabərlik, qardaşlıq" ("Liberté, égalité, fraternité) şüarı asılıb.

Qarşılaşmada İngiltərə 2-0 hesabı ilə qalib gəlib.