İŞİD-ə qarşı mübarizə aparmaq üçün maliyyəyə ehtiyacımız var idi. Bu səbəbdən İsrailə qanunsuz yolla neft satırdıq.

Axar.az xəbər verir ki, bu sözləri İraq Kürd muxtariyyətinin Təbii Sərvətlər naziri Aşti Havrami deyib.

O, rəsmi Bağdadın neft siyasəti üzərində nəzarətini zəiflətmək üçün kürdlərin hiyləyə əl atdığını etiraf edib :

"Biz İsrailə qeyri-qanuni yollarla neft satmaq məcburiyyətində qaldıq. Çünki, rəsmi Bağdad neftdən gələn gəlirin bizə düşən hissəsini ödəmədi. Müqavilənin şərtləri unuduldu".

Qeyd edək ki, İraq Kürd muxtariyyəti neftdən gələn gəlirin 17 faizinə sahibdir. Lakin son günlər kürd rəsmiləri İŞİD və miqrant böhranı səbəbindən büdcədən daha çox maliyyə almaq iddiasındadırlar.