Rusiya və Fransa Suriyadakı hərbi əməliyyatları intensivləşdirdikdən sonra İŞİD döyüşçüləri Rakka şəhərindən Türkiyə sərhədinə doğru qaçmağa başlayıb.

Axar.az xəbər verir ki, bu barədə şəhər sakini "Ria Novosti" agentliyinə məlumat verib.

O bildirib ki, dünənki hərbi əməliyyatlardan sonra İŞİD-çilər bir-birləri ilə döyüşməyə başlayıb:

"Döyüşçülərin bir qrupu qaçmaq istəyir. Digərləri isə onlara mane olmağa çalışırdı. Rakka şəhərində terrorçuların bir qismi kənd sakinlərinin evində gizləniblər. Əcnəbi döyüşçülər də Türkiyə sərhədinə doğru irəliləyirlər".

Digər məlumata görə, İŞİD döyüşçüləri artıq Rakka şəhərində strateji mövqeləri tərk etməyə başlayıblar.