İŞİD noyabrın 15-16-da Antalyada baş tutan G20 sammiti zamanı terror hücumları törətməyi planlaşdırıb.

Axar.az "Anadolu Agentliyi"nə istinadən xəbər verir ki, bu barədə məlumat oktyabrın 10-da Ankarada törədilən terror hücumunda şübhəli qismində saxlanılan şəxslərin kompüterlərinə baxış keçirilən zaman tapılıb.

Məlumata görə, terrorçular liderlərin qalacaqları otellərdə və gecə klublarında kamikadze hücumları təşkil etmək istəyiblər. Lakin polis dərhal məsələ ilə bağlı təhlükəsizlik orqanlarına məlumat verib və bəzi şübhəli şəxslər saxlanılıb.

Qeyd edək ki, 15-16 noyabrda baş tutan sammitə G20 ölkələri, o cümlədən qonaq qismində 6 dövlət qatılıb.