Nüvə stansiyasının tikintisi ilə bağlı Rusiya və Misir arasında imzalanan müqavilə xəyallarımızın başlanğıcı olacaq.

Axar.az xəbər verir ki, bunu Misir Prezidenti Əbdülfəttah Sisi deyib.

O bildirib ki, sözügedən müqavilə olduqca qısa zamanda hazırlanıb:

"Rusiya çətin durumda olan Misirə yardım əlini uzatdı. Bu, dünyaya verilən sülh ismarışı idi. Misir xalqının gələcəkdə daha yaxşı yaşaması üçün bu addımı atdıq".

Rusiya Dövlət Nüvə Enerji qurumunun (Rosatom) sədri Sergey Kriyenko isə bildirib ki, sözügedən müqavilə 100 il ərzində iki ölkəni bir-birinə daha da yaxınlaşdıracaq.

O əlavə edib ki, inşa ediləcək nüvə stansiyası 80 il boyunca fəaliyyət göstərəcək.

Qeyd edək ki, bu gün Rusiya və Misir arasında 4 reaktorlu nüvə stansiyasının tikintisi ilə bağlı müqavilə imzalanıb. Beləliklə, Misirdə ilk nüvə stansiyası inşa ediləcək.