Zimbabve Prezidenti Robert Muqabenin həyat yoldaşı Qreys Muqabe ölkədə ac olan milyonlarla insana həmrəyliyini nümayiş etdirmək üçün gündə yalnız bir dəfə yemək yediyini açıqlayıb.

Axar.az xəbər verir ki, bədxərcliyi və alış-verişə olan böyük marağı ilə məşhurlaşan 50 yaşlı xanım Muqabe paytaxt Hararenin yoxsul bölgələrindən birində mitinq təşkil edib.

O, gün ərzində yalnız bir dəfə yemək yediyini deyib və zimbabvelilərin dəstəyini qazanmaq üçün ac əhaliyə qarğıdalı və düyü paylayıb.

Xatırladaq ki, Qreys Muqabe 1996-cı ildə Robert Muqabe ilə evlənib. Dünya Qida Proqramı məlumatlarına görə, 1,5 milyondan çox zimbabveli aclıqdan əziyyət çəkir.