Bosniya-Hersoqovina Baş Qərargah rəisi Anto Jelekə qarşı sui-qəsd təşkil edilib.

Axar.az xəbər verir ki, Anto Jelek və mühafizəçiləri sağ qalmağı bacarıblar.

Belə ki, Baş Qərargah rəisinin avtomobil karvanı tunelə girdiyi anda partlayış baş verib. Bildirilib ki, hadisə Mostar şəhərindən 20 kilometr uzaqlıqdakı Salakovac qəsəbəsində qeydə alınıb.

İlkin ehtimala görə, bombalar tunelin içərisindən keçən iki avtomobildən atılıb. Jelek də olayla bağlı açıqlama verib:

"Tuneldə partlayış oldu.Tüstü qatının içərisindən keçdik. Hər şeyi polisə izah etdim. Mən sağ-salamatam. Avtomobillər də zərər görməyib".

Qeyd edək ki, polis hadisəni törətməkdə təqsirli bilinən şəxsləri yaxalayıb.