Parisdəki "Bataklan" teatrına törədilən hücum zamanı səhnədə olan ABŞ-ın "Ölü metalın qartalları" (Eagles of Death Metal) qrupunun üzvləri hadisədən sonra ilk dəfə mətbuata açıqlama verib.

Axar.az xəbər verir ki, qrup üzvləri hücum zamanı qaçaraq onlara ayrılmış otaqlarında gizləndiklərini bildiriblər.

"Ölənlərin sayının çox olmasının başlıca səbəbi insanların bir-birlərini qorumaq hissi idi. Onlar yerdə yatanlara bədənlərini sipər edirdilər. Bir uşaq isə mənim dəri pencəyimin arxasında gizlənərək xilas oldu", - qrup üzvü Xesse Huges bildirib.

Hadisə zamanı qrupun satış meneceri Nik Aleksandr həyatını itirib. Qrup Avropadakı bütün konsertlərini ləğv edərək Amerikaya qayıdıb.

Qeyd edək ki, İŞİD noyabrın 13-də "Bataklan" da daxil olmaqla, Parisin 7 bölgəsində terror aktı törətmişdi. Hadisə nəticəsində 132 nəfərin öldüyü rəsmən təsdiq edilib..