Gürcüstan parlamentində Müdafiə Məcəlləsinin birinci oxunuşunda müzakirə zamanı vəziyyət gərginləşib.

Axar.az xəbər verir ki, müxalifətdən olan deputat Tariel Nakaidze və “Xalqın Gücü” ictimai hərəkatının deputatı Sozar Subari qanunvericiliyə dəyişiklikləri müzakirə ediblər. Tədricən vəziyyət gərginləşib və mübahisəyə digər deputatlar da qarışıb.

Nəticədə hakim “Gürcü Arzusu – Demokratik Gürcüstan” partiyasından olan deputat Viktor Caparidze stolun üzərində quraşdırılmış mikrofonla Nakaidzenin kürəyinə zərbə endirib. Məhkəmə icraçılarının səylərinə baxmayaraq, vəziyyəti sakitləşdirmək mümkün olmayıb. İclas zalında nalayiq ifadələr səslənib. “Gürcü arzusu” partiyasının deputatı Levan Mqaloblişvili də Nakaidzeyə mikrofon atıb.

“Gürcü arzusu” fraksiyasının sədri Mamuka Mdinaradze parlamentdə baş verənləri xoşagəlməz adlandırıb.