Rusiyada konservasiyada olan tankların ehtiyatları nominal rəqəmlərdə göründüyü qədər böyük deyil. Minlərlə zirehli texnikanın yalnız kiçik bir hissəsi cəbhəyə göndərilə bilər.

Axar.az xəbər verir ki, bunu ukraynalı hərbi ekspert Aleksandr Kovalenko deyib.

"Açıq mənbələrdən əldə edilən məlumatlara görə, Rusiyada 60-90-cı illərin 13 min civarında tankı var - 3 minə yaxın T-80, 8 minə yaxın T-72 və 2,5 minə yaxın T-62. Az sayda T-90-lar da mövcuddur. Ancaq saxlama şəraitinin pis olması səbəbindən onların yalnız bir hissəsi bərpa üçün uyğundur - təxminən 500-800 T-62, 1300 ədəd T-72 və 600-dən çox olmayan T-80. 200 ədəd T-90 tankı da anbardan çıxarıla bilər. Bunlar cəmi 2900 tank edir. Qalanların hamısı, ən yaxşı halda, ehtiyat hissələri kimi istifadə ediləcək", - o bildirib.