Türkiyə Respublikası Daxili İşlər Nazirliyinin Qaçaqmalçılıq və Mütəşəkkil Cinayətkarlıqla Mübarizə Departamentinin direktoru Mahmud Çorumlunun başçılıq etdiyi Milli Polisin nümayəndə heyəti Gürcüstanda səfərdədir. Səfər çərçivəsində Türkiyə nümayəndə heyətinin üzvləri Gürcüstan Daxili İşlər Nazirliyində (DİN) görüşlər keçirib.

Axar.az xəbər verir ki, bu barədə Gürcüstan DİN məlumat yayıb.

Bildirilib ki, səfər çərçivəsində Gürcüstan Daxili İşlər Nazirliyi və Türkiyə Milli Polisi nümayəndələrinin birgə komissiyasının səkkizinci iclası baş tutub.

Tədbirdə hər iki ölkənin hüquq-mühafizə orqanları arasındakı mövcud əməkdaşlığın perspektivləri diqqət mərkəzində olub. Eyni zamanda, narkotik vasitələrin qanunsuz dövriyyəsi, terrorizm və mütəşəkkil cinayətkarlığın digər növlərinə qarşı birgə mübarizə məsələlərinə xüsusi diqqət yetirilib.

Sonda yekun protokol imzalanıb.