“Rosselxoznadzor” Ermənistandan Rusiyaya süd məhsullarının idxalını qadağan edib.

Axar.az xəbər verir ki, qərar 5 apreldən qüvvəyə minəcək.

Buna səbəb isə Ermənistan müəssisələrində aparılan yoxlamanın qeyri-qənaətbəxş nəticələri olub.

Bundan öncə isə “Rosselxoznadzor” Ermənistandan Rusiya bazarına süd məhsullarının tədarük həsminin kəskin artmasına görə araşdırma aparıldığı bildirilmişdi. Məlum olmuşdu ki, Ermənistan İrandan süd alaraq, öz markası ilə Rusiyaya göndərir. Həmçinin Ermənistan istehsalçılar Rusiyaya tədarük hüququ olmayan İran müəssisələrinin xammalından istifa edir.

Rusiyalı ekspert, “Milli müqavilə” jurnalının baş redaktoru İqor Korotçenko bu addımı Ermənistanın dost olmayan hərəkətlərinə Rusiyanın ilk cavabı kimi qiymətləndirib.