Aprelin 23-də G4 səviyyəsində güclü maqnit qasırğası qeydə alınıb.

Axar.az xəbər verir ki, bu barədə xarici mediada məlumat yayılıb.

“Aprelin 23-də günün sonunda aşağı enerjili protonların Yerə yaxın kosmosa hücumu qeydə alınıb. Geomaqnit sahəsinin pozulması davam edir”, - məlumatda deyilir.

Alimlərin müşahidələrinə görə, son sutka ərzində Yerin maqnit sahəsinin pozulma dərəcəsi bir neçə dəfə artaraq dördüncü səviyyəyə çatıb.

Ümumilikdə, maqnit qasırğalarının miqyasında beş səviyyə var ki, bunlardan G1 ən zəif, G5 isə son dərəcə güclü deməkdir. Səviyyə G4 radio rabitəsinin, həmçinin peyk və aşağı tezlikli radionaviqasiyanın çoxlu saatlarla kəsilməsini nəzərdə tutur. Avroralar təkcə orta enliklərdə deyil, tropiklərdə də müşahidə olunur.