6 fevral zəlzələrinin ardı kəsilməyib, burada daha bir zəlzələ ola bilər, lakin böyük maqnitudada deyil.

Axar.az xəbər verir ki, bu sözləri türkiyəli professor Naci Görür amerikalı alimlərin Türkiyədə növbəti dağıdıcı zəlzələ ilə bağlı proqnozlarını şərh edərkən deyib.

“Elazığdan Hataya qədər qırılma xəttində kiçik-orta ölçüdə zəlzələlər ola bilər. Lakin DAF/ÖLÜ DƏNİZ xətti üzərində uzun dönəmdə böyük zəlzələ ola bilməz”, - deyə N.Görür bildirib.

Professor zəlzələ proqnozları ilə bağlı yanlış məlumatlar paylaşmamağı da vətəndaşlardan xahiş edib:

“Sanki geoloq olacaqmış kimi müzakirələr aparırsınız. Bu yanaşmanı kənara qoyun. Zəlzələyə davamlı şəhərlər tələb edin, bu yolla millətimizə daha mənalı xidmət etmiş olarsınız”.