İran hökuməti azyaşlı uşaqları hərbi təlimlərə və ideoloji kurslara cəlb etməkdə davam edir.

Axar.az xəbər verir ki, bu barədə SEPAH-a bağlı yarım-hərbi “Bəsic” qüvvələrinin Qəzvin əyalətindəki məsulu İbrahim Rəsulifər məlumat verib.

“Bu qəbildən olan tədbirlər çərçivəsində SEPAH may ayında Qəzvin əyalətində 8 min azyaşlı oğlan və qıza hərbi təlimlər keçməyi, atıcılıq dərsləri verməyi planlaşdırıb”, - o söyləyib.

Həmçinin, azyaşlıların şəhidlik üçün hazırlanması məqsədi ilə ideoloji dərslər keçirilməsi də nəzərdə tutulur.

Qeyd edək ki, bu, İranın 1994-cü ildən qoşulduğu Uşaq Hüquqları Konvensiyasını pozulması deməkdir.