Almaniya Müdafiə Nazirliyinin sözçüsü Yens Flossdorf Federal Məclisin qanun layihəsini təsdiq etdikdən sonra gələn həftə iki kəşfiyyat və bir yanacaqdoldurma təyyarəsinin İncirliyə göndəriləcəyini açıqlayıb.

Axar.az xəbər verir ki, Flossdorf "Tornado" təyyarələrinin yanvarın 1-dən etibarən fəaliyyətə başlayacağını deyib.

Ayrıca, Bundesver sözçüsü kəşfiyyat məlumatlarının Rusiya, İran və Dəməşq rəhbərliyi ilə paylaşılmayacağını deyib.

Bu arada Maliyyə Nazirliyinin sözçüsü Yürq Vaysqerber Suriya əməliyyatlarının 134 milyon avroya başa gələcəyini deyib.

Xatırladaq ki, təyyarələrlə bərabər Almaniya Silahlı Qüvvələrinin 1200 hərbçisi Türkiyəyə göndəriləcək.