Ana səhifə Planet |
Mən dekabrında 6-da keçiriləcək referendumda iştirak etməyəcəyəm.
Axar.az xəbər verir ki, bunu "Azadlıq" radiosunun Ermənistan bölməsinə açıqlamasında Ermənistanın eks-prezidenti Robert Köçəryan söyləyib. Onun sözlərinə görə, konstitusiya reformları Ermənistanın maraqları üçün mənasız addımdır.
Qeyd edək ki, Serj Sərkisyan Robert Köçəryanın xələfi hesab edilir. Onun hakimiyyətə gəlməsində Köçəryanın böyük rolu olub. Dağlıq Qarabağdan olan hər iki siyasi lideri qondarma rejimdə müxtəlif vəzifələrdə çalışıblar. Həm Köçəryan, həm də Sərkisyan I Dağlıq Qarabağ müharibəsi zamanı azərbaycanlılara qarşı törədilən cinayətlərin əsas baiskarı hesab edilirlər.
Dekabrın 6-da Ermənistanda konstitusiyada dəyişiklə bağlı referendum keçiriləcək. Referendumda səsverməyə çıxarılacaq əsas məqamlardan biri də Ermənistanın siyasi idarəçiliyində dəyişikliyin edilməsi məsələsidir. Sərkisyan bu referendum vasitəsilə ölkədə prezident idarəetmə sisteminin ləğv edilməsini və yeni parlamentli idarəetmə sisteminin yaradılmasını istəyir. Ekspertlərin fikrincə isə Sərkisyan bu addımı hakimiyyətdə daha uzun müddət qalmaq üçün atır.
Tarix
2015.12.04 / 14:50
|
Müəllif
İlkin Həsənov
|