Misir, Türkiyə və Ukraynaya Rusiyadan təyyarələrin uçuşuna qadağa qoyulması Moskva aeroportlarının 5 milyard rubl itirməsinə səbəb olacaq.

Axar.az xəbər verir ki, bunu TASS agentliyinə açıqlamasında Domodedova aeroportunun icraçı direktoru Denis Nujdin söyləyib. Onun sözlərinə görə, bu istiqamətlərdə hərəkət Moskva aeroportlarından edilən uçuşların 20%-ni təşkil edir:

"Türkiyənin burada payı 10, Misirin 8, Ukraynanın isə 2%-dir. Daxili uçuşlar bu zərərləri kompensasiya edə bilmir".

Xatırladaq ki, Su-24 təyyarəsinin vurulmasından sonra Rusiya Türkiyəyə uçuşları dayandırıb. Ukrayna isə Rusiyanın öz hava məkanından istifadə etməsinə qadağa qoyub.