Kreml Ukraynada Novorossiya adlı dövlət yaratmaq istəməyib.

Axar.az xəbər verir ki, bunu Ukrayna mətbuatına müsahibəsində almaniyalı ekspert Andre Xertel söyləyib. Onun sözlərinə görə, Moskvanın əsas məqsədi Ukrayna hakimiyyətinin idarə olunması idi:

"Putin taktikdir. O, qərarları əməliyyatlar aparılan zaman qəbul edir. O, ideoloq deyil və Novorossiya yaratmaq istəmirdi. Əsas məqsəd sadəcə müxtəlif vasitələrlə Kiyev üzərində nəzarətin təmin edilməsi idi. Rusiya Ukraynada bu dərəcədə müqavimət görəcəyini təxmin etməmişdi. Əgər bu olmasaydı o, mütləq daha uzağa gedəcəkdi. Amma nə qədər uzağa, bu, bəlli deyil".