Rusiya Prezidenti Vladimir Putin Belarus lideri Aleksandr Lukaşenkonu Ukraynaya qarşı müharibəyə sürükləmək ümidini artıq itirib.

Axar.az xəbər verir ki, bu açıqlama ilə Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov çıxış edib.

Onun sözlərinə görə, 2022-ci il fevralın 24-dən sonra Belarusun bu müharibəyə qoşulmasının qarşısını almaq üçün Ukrayna tərəfindən xeyli səy göstərilib:

"Biz bütün mümkün ünsiyyət yollarımızdan, bütün imkanlarımızdan istifadə etmişik, hətta bir deputatdan da istifadə etmişik ki, Belarus bir ölkə kimi bu müharibəyə qoşulmasın. Bu, birinci məqsəd olub. İkincisi məqsəd Rusiya ordusu sıxışdırılarkən Belarus ərazisindən Ukraynaya təkrar daxil olmaq və ya zərbə endirmək cəhdlərinin qarşısının alınmasıdır. Hazırda buna da nail olunub".