Belarus ərazisində qeyri-strateji nüvə silahları yerləşdirən Rusiya onu respublikaya vermir. Ona nəzarət edir və onun istifadəsi ilə bağlı qərar Moskvanın ixtiyarındadır.

Axar.az xəbər verir ki, bunu Rusiyanın müdafiə naziri Sergey Şoyqu deyib.

Şoyqu qeyd edib ki, gələcəkdə İttifaq dövlətinin təhlükəsizliyini təmin etmək və hərbi-siyasi vəziyyətə cavab vermək üçün əlavə tədbirlər görülə bilər.

Qeyd edək ki, Rusiya müdafiə naziri Sergey Şoyqu və Belarus müdafiə naziri Viktor Xrenin arasında Rusiya nüvə silahlarının Belarus ərazisindəki xüsusi anbarda saxlanması qaydasını müəyyən edən sənəd imzalanıb.