Donald Tramp insanların qorxuları ilə oynayaraq, onlardan öz kampaniyasının xeyri üçün istifadə etməyə çalışır.

Axar.az xəbər verir ki, bunu NBC telekanalına müsahibəsində Ağ Evin mətbuat katibi Coş Ernest söyləyib. Onun sözlərinə görə, Trampın müsəlmanlarla bağlı söylədikləri ABŞ hakimiyyətini təəssüfləndirir.

Qeyd edək ki, bir müddət öncə ABŞ prezidentliyinə Respublikaçılar Partiyasından namizəd olan Donald Tramp müsəlmanların ölkəyə gəlməsinin qadağan olunmasını istəyib. Buna əsas səbəb kimi Tramp ABŞ-dakı müsəlmanlar arasında keçirilən sorğunu göstərib. Həmi sorğuya əsasən, müsəlmanların 25%-i Amerika vətəndaşlarına qarşı cihadı dəstəkləyib. 51% müsəlman isə hər bir şəxsin şəriətlə adi məhkəmə arasında seçim etmək hüququnun olduğunu bildirib.