Türkiyənin Zəfər Partiyasının sədri Ümid Özdağ prezident seçkilərinin ikinci turu öncəsi dəstək qarşılığında hakimiyyətdən vəzifə istəyib.

Axar.az xəbər verir ki, bu barədə ATA İttifaqının prezident seçkilərində keçmiş namizədi Sinan Oğan danışıb.

O bildirib ki, prezident seçkilərinin ikinci turunda Cümhur İttifaqına dəstək verəcəyini Ü.Özdağa söyləyib, Özdağ isə iqtidarla görüş istəyib:

"Mən də Özdağın bu istəyini qarşı tərəfə çatdırdım. Prezident Rəcəb Tayyib Ərdoğan Numan Qurtulmuşu Özdağla görüş üçün göndərdi. Özdağın dəstək qarşılığında nazirlik tələbi oldu. Bu tələbi qəbul edilmədi və Daxili İşlər Nazirliyində vəzifə tələbini irəli sürdü. Bu tələbi də qarşılanmadığı üçün dəstək (Cümhur İttifaqına - red.) vermədi".

Qeyd edək ki, ATA İttifaqının aparıcı partilası olan Zəfər Partiyası prezident seçkilərinin ikinci turunda Millət İttifaqına dəstək vermişdi.