Mosuldakı hərbi varlığına görə, Türkiyəyə düşmən ölkə kimi davranmaq doğru olmaz.

Axar.az xəbər verir ki, bu barədə İraqın neft naziri Adil Əbdülmehdi deyib.

"Mosuldakı hərbi varlığına görə, Türkiyəyə düşman ölkə kimi davranmaq, siyasi və ticarət əlaqələrini kəsmək doğru olmaz. Bu, ölkənin suverenliyini qorumağa yardım etməz. İraq hökumətinin Türkiyəyə qarşı atdığı addımlar doğrudur. Türkiyənin bu addımı heç bir hökumət tərəfindən qəbul edilə bilməz. Beşika düşərgəsindəki türk hərbçilərin varlığı Kürdüstanla əlaqəlidir. Məsələ qarışıqdır. Lakin İŞİD-ə qarşı mübarizədən diqqəti yayındırmamalıyıq", - nazir bildirib.

Qeyd edək ki, Türkiyə dekabrın 4-də Mosula hərbçilərini göndərib. Ankaranın bu qərarı İraq rəhbərliyi tərəfindən etirazla qarşılanıb.