Sudanın paytaxtı Xartum şəhərində Rusiyanın bu ölkədəki konsulu və onun həyat yoldaşı bıçaqlanıb.

Bu informasiyanı "BBC" agentliyi yayıb.

Sudan polisinin verdiyi xəbərə görə, rus diplomatına və onun həyat yoldaşına Mərkəzi Afrika Respublikasından gələn miqrant xəsarət törədib. O, bunu fransız hərbçiləri tərəfindən öldürülən qardaşına görə etdiyini deyib.

Qaradərili cinayətkar əlavə edib ki, o, bütün qərb sivilizasiyanın nümayəndələrini öldürmək istəyir.

Xatırladaq ki, hazırda Mərkəzi Afrika Respublikasında 1600 nəfər fransız hərbçisi və bir neçə min Afrikalı sülh məramlılar döyüşürlər. (ANS)