Fransa bu istiqamətdə hərəkətini davam etdirərsə, islam dövlətinə çevrilə bilər.

Axar.az xəbər verir ki, bunu Fransanın ifrat sağçı "Rekonqista" partiyasının rəhbəri, prezidentliyə keçmiş namizəd Erik Zemmur deyib.

"Məsələn, gənc müsəlmanların əksəriyyəti islam qanunlarının ölkə qanunlarından üstün olduğuna inanır. Və liderlərimiz islamçılıq adlandırdıqları şeylə mübarizə aparmaq üçün nə edirlər? Onlar daha çox islam, daha çox məscid, daha çox imam təklif etməyə davam edirlər. Əgər bu istiqamətdə davam etsək, demoqrafik cəhətdən və demokratiyaya görə Fransa bir gün İslam Respublikasına çevrilə bilər. İslamın fəth dini olduğunu unutmamalıyıq”, - o bildirib.