Əfqanıstanın Hilmənd vilayətinin qubernator müavini Məhəmməd Rəsulyar Taliban hücumlarına qarşı Prezident Əşrəf Qənidən yardım istəyib.

Axar.az xəbər verir ki, Feysbuk vasitəsi ilə prezidentdən yardım istəyən Rəsulyar terrorçuların qısa müddətdə vilayəti işğal edəcəyini bildirib:

"Hilmənd işğal olunmaq üzrədir. Sizin bura gəlməyinizə ehtiyacımız var. İki gün ərzində 90 hərbçimiz öldürülüb. Bölgədəki xarici qüvvələr vəziyyətə nəzarət edə bilmir. Təhlükəsizlik qüvvələrinə vaxtlı-vaxtında qida və su verə, yaralıları təxliyə edə, şəhid olan əsgərləri döyüş bölgəsindən çıxara bilmirik. Xarici qüvvələr vəziyyəti bazadan izləyərək heç bir yardım göstərmir".