"Vaqner” üzvlərinin hazırda Belarus ərazisində qoşulduğu tədbirlər Ukrayna əhalisinə psixoloji təzyiq məqsədi daşıyır.

Axar.az xəbər verir ki, bunu Ukrayna Silahlı Qüvvələrinin Birləşmiş Qüvvələrinin komandanı general-leytenant Sergey Nayev deyib.

"Onlar bunu hədə-qorxu gəlmək üçün edirlər. Amma bizi qorxmaq lazım deyil, çünki nə etməli olduğumuzu bilirik və düşmənin kəşfiyyat-diversiya qüvvələrinin Ukrayna ərazisində, xüsusən də Kiyev istiqamətində uğur qazanmaması üçün hər şeyi edirik. Düşmənin hərəkətlərinin qarşısını almaq üçün son bir həftə ərzində Belarusla sərhəddə yolun 5 hissəsi dağıdılıb, 2500-dən çox tank əleyhinə mina döşənib. Bundan əlavə, şəxsi heyətə davamlı olaraq təlimlər keçirilir", - Nayev bildirib.