Ana səhifə Planet |
"Gürcü arzusu" koalisiyası baş nazir vəzifəsinə Georgi Kvirikaşvilinin namizədliyini irəli sürüb.
Axar.az xəbər verir ki, bunu Rusiya mətbuatına açıqlamasında Gürcü arzusu koalisiyasının parlamentdəki rəhbəri Zviad Kvaçantiradze söyləyib.
Qeyd edək ki, bir müddət öncə Gürcüstanın Baş naziri İrakli Qaribaşvili vəzifəsindən istefa verib. Onu bu vəzifədə müvəqqəti olaraq Gürcüstanın Xarici İşlər naziri Georgi Kvirikaşvili əvəz edib. Gürcüstan konstitusiyasına əsasən baş nazirin istefasından sonra bütün nazirlərin səlahiyyətləri dayandırılır və onlar nazir səlahiyyətlərinin müvəqqəti icraçısına çevrilirlər. Qaribaşvili indiyə qədər niyə istefaya getməsinin səbəbini açıqlamayıb.
Hazırda Gürcüstanda iqtidar partiya "Gürcü arzusu" koalisiyasıdır. Onun rəhbəri milyarder Bidzina İvanişvilidir.
Tarix
2015.12.25 / 12:12
|
Müəllif
İlkin Həsənov
|