ABŞ-da 2 milyard dollar borcu olan 9 neft-qaz şirkəti konkordat (iflas razılaşması) bağlayıb.

Axar.az xəbər verir ki, bu barədə məlumat Dallas Federal Ehtiyat Sisteminin (FES) hazırladığı hesabatda yer alıb.

Bildirilir ki, ABŞ-ın neft-qaz sektorunda iflas həddi 1929-1939-cu illərin maliyyə böhranı (Böyük böhran - red) səviyyəsinə çatıb.

Araşdırmaçı iqtisadçılar Navi Dalival və Martin Sturmer iflasların 2016-cı ildə də davam edəcəyini bildiriblər:

"Ucuz neft qiymətləri ABŞ-da neft-qaz şirkətlərinin maliyyə çətinlikləri yaşamasına səbəb olur".

Analitiklərin hesabatına görə, ötən ildən bu yana ABŞ-ın neft-qaz şirkətlərində işçilərin sayı 70 min nəfərə qədər azalıb.