ABŞ-da prezident seçkilərinə hazırlıq gedir. Respublikaçılar Partiyasında əhəmiyyətli dəstəyə malik Donald Trampla bağlı narahatlıqlara baxmayaraq, Ukraynaya yardımlar davam edəcək.

Axar.az xəbər verir ki, bu sözləri politoloq Maksim Yani deyib.

O bildirib ki, Tramp müxalifətdə olduğu üçün mübahisəli bəyanatlar verə bilər və bu, onun roludur:

“Əgər Trampın qalib gəldiyi 2016-cı illə müqayisə aparsaq görərik ki, onlar da hər şeyin Ukrayna üçün pis olacağını deyirdilər. Amma məhz onun prezidentliyi dövründə öldürücü silahların tədarükünə qoyulan embarqo aradan qaldırıldı və “Javelin”lərin tədarükü təmin olundu”.