Qətərin sabiq əmiri Şeyx Həmid ibn Xəlifə Sani ayağını qırıb.

Axar.az xəbər verir ki, 63 yaşlı sabiq dövlət başçısı təcili İsveçrəyə əməliyyat olunmağa göndərilib.

Xəbəri eşidən Qətər kral ailəsinin üzvləri biri "Airbus" olmaqla 11 təyyarə ilə İsveçrənin Sürix şəhərinə gedib.

İngiltərənin "Qardian" qəzetinin məlumatına görə, hadisə ötən həftənin sonunda baş verib.

Hadisə ilə bağlı rəsmi Doha heç bir açıqlama verməyib. Lakin əmirin hadisə baş verən zaman ailəsi ilə bərabər Mərakeşdə Atlas dağlarında istirahət etdiyi məlum olub.

Xatırladaq ki, Şeyx Həmidin son illərdə sağlamlığının pis olduğu bildirilir. 1995-ci ildə ölkə rəhbərliyinin başına keçən Şeyx Həmid 2013-cü ildə idarəçiliyi oğlu Təmim ibn Həməd Saniyə təhvil verib.