Türkiyəyə qayıdıb yeni siyasi partiya yaradacam.

Axar.az xəbər verir ki, bu sözləri PKK lideri Abdullah Öcalanın qardaşı Osman Öcalan deyib.

"Heç kim müstəqil qərar qəbul edən PKK-nı görmək istəmir. Yaxın Şərq ölkələri PKK-nı istədikləri kimi idarə etmək istəyirlər. PKK-da rəsmi dil türkcədir. PKK daxilində kürdcə danışanları millətçi olaraq qəbul edirdilər. Kürd dilində yayımlanan televiziya və radioları olsa da, döyüşçülərin 90 faizi türk dilində danışırdı. PKK liderlərindən olan Cəmil Bayık kürd dilində olduqca zəif bilir. Duran Kalkanda da vəziyyət fərqlənmir. Bəzi PKK liderləri 35 ildir kürd dilini öyrənə bilməyiblər. PKK-dan məni dəvət etsələr də, ora getmərəm. Lakin Türkiyəyə qayıdıb, siyasi partiya qurmaq istəyirəm", - Öcalan bildirib.