Danimarka və Niderland tərəfindən Kiyevə veriləcək F-16 təyyarələri əks-hücumu sürətləndirmək deyil, Ukraynanın hava hücumundan müdafiəsini dəstəkləmək üçün əsas vasitə olacaq.

Axar.az xəbər verir ki, bunu ukraynalı hərbi eksperti İvan Kiriçevski deyib.

Onun sözlərinə görə, NASAMS hava hücumundan müdafiə sisteminin atəş məsafəsi, məsələn, istifadə edilən raketin modifikasiyasından asılı olaraq, cəmi 20-40 km-dir və bu hava hücumundan müdafiə sisteminin batareyası mövqelərini tez dəyişmək üçün o qədər də mobil deyil:

"F-16 ilə raketlərin atəş məsafəsi ən azı 70 km-dir - bunlar köhnə modifikasiyalardır. Az-çox yenilərinin atəş məsafəsi 120, ən yeniləri ümumiyyətlə 180 km-dir. F-16 əks-hücumu sürətləndirmək üçün deyil, mümkündür ki, Rusiyanın raket hücumlarının yaratdığı problemləri minimuma endirmək məqsədilə lazımdır".