Bir il ərzində Avropa sanksiyaları Rusiyanın siyasi və iqtisadi variantlarını məhdudlaşdırdı, maliyyə gərginliyinə səbəb oldu və ölkənin əsas bazarlarla əlaqəsini kəsdi. Kreml ticarətə xərcləri artırdı, Rusiyanın sənaye potensialı isə xeyli pisləşdi.

Axar.az xəbər verir ki, bunu AB-nin xarici və təhlükəsizlik siyasəti üzrə ali nümayəndəsi Jozep Borrell deyib.

Borrell bildirib ki, Ukraynaya müdaxilə başlayandan bəri AB artıq Rusiyaya 11 sanksiya paketi tətbiq edib:

“Bundan əlavə, AB Rusiyadan olan 1500-dən çox insana və 250-yə yaxın təşkilata səyahət qadağası qoyub və aktivlərini dondurub Rusiya iqtisadiyyatı ötən il 2,1% azalıb. O cümlədən, ötən ilin müvafiq dövrü ilə müqayisədə avtomobil istehsalı 48 faiz, digər nəqliyyat avadanlıqlarının istehsalı 13 faiz, kompüter, elektronika və optika istehsalı 8 faiz azalıb”.