Ukrayna hökuməti Rusiyanın bəzi qida məhsullarına qarşı embarqo tətbiq edib. Yeni qadağalar yanvarın 10-dan etibarən qüvvəyə minəcək.

Axar.az xəbər verir ki, qərar 5 avqusta və ya Rusiyanın dünəndən etibarən Ukrayna məhsullarına qoyduğu qadağa ləğv edilənə qədər davam edəcək.

Xatırladaq ki, Ukrayna Nazirlər Kabineti dekabrın 30-da Rusiyaya qarşı sanksiya paketi hazırlayıb. Qərara əsasən, Ukrayna MDB daxilində Rusiya ilə sərbəst ticarət bölgəsi razılaşmasını dayandırır və Moskvaya qarşı 10 yanvardan etibarən qida embarqosu tətbiq edir.

Ukrayna İqtisadi İnkişaf Nazirliyindən verilən məlumata görə, Rusiyadan idxal olunan spirtli içkilər, şirniyyat, ət, şokolad, balıq, pendir, pivə, siqaret kimi məhsulların ölkəyə girişi qadağan olunacaq.