Tunis İrandakı Səudiyyə Ərəbistanı səfirliyinə edilən hücumu qınayıb.

Axar.az xəbər verir ki, bu barədə informasiyanı Tunis Xarici İşlər nazirliyi yayıb.

Nazirlik İranı bütün ölkələrin diplomatik missiyalarını qorumağa çağırıb:

"Tunis regionda situasiyanın pisləşməsinə səbəb olacaq bütün fəaliyyətlərin qarşısını almağa çağırır. Səudiyyə Ərəbistanı səfirliyinə hücum Vyana konvensiyasının pozulmasıdır".

Qeyd edək ki, Səudiyyə Ərəbistanı yanvarın 2-də şiə din alimi Ayətullah Nimr Baqir ən-Nimri daxil olmaqla 47 nəfəri edam edib. Bundan sonra Tehrandakı Səudiyyə Ərəbistanı səfirliyi yandırılıb. Səudiyyə buna cavab olaraq İranla diplomatik əlaqələri kəsib.