Səudiyyə Ərəbistanı ilə gərginlik yaşayan İran yeraltı ballistik raket bazasının açılışını edib.

Axar.az xəbər verir ki, İran parlamentinin spikeri Əli Laricaninin baş çəkdiyi yeraltı tunellərdə "Emad" tipli uzun mənzilli bir çox balistik raket toplanıb.

Yeraltı raket bazasının ölkənin hansı ərazisində yerləşdiyi barədə məlumat verilməyib. Diqqət çəkən məqam budur ki, Ər-Riyadla yaşanan gərginliyin pik həddində bazanın nümayişi keçirilib.

Qeyd edək ki, İran İnqilab Keşikçiləri Korpusu (SEPAH) ilk dəfə ötən ilin oktyabr ayında yer altında gizli raket anbarının qapılarını mətbuat üçün açıq elan etmişdi.