Şimali Koreya hidrogen bombasının uğurlu sınağını keçirib.

Axar.az xəbər verir ki, bu barədə informasiyanı Koreya Xalq Demokratik Respublikasının mərkəzi televiziyası yayıb. Dövlət televiziyasının bu bəyanatını Cənubi Koreya telekanalları da yayımlayıb.

Cənubi Koreya mətbuatının məlumatına görə, bu sınaq 100 metr dərinlikdə həyata keçirilib. Seul artıq ölkənin Milli Təhlükəsizlik Şurasının fövqəladə iclasını keçirib.

Qeyd edək ki, bu Şimali Koreyanın 2005-ci ildən bu yana keçirdiyi dördüncü nüvə sınağıdır. 2006, 2009, 2013-cü illərdə keçirilən sınaqlar BMT Təhlükəsizlik Şurasının Pxenyana qarşı sanksiyalar tətbiq etməsinə səbəb olub.