Səudiyyə Ərəbistanı İranla siyasi gərginliyin aradan qaldırılması üçün Rusiyanın vasitəçilik təklifini qəbul etməyib.

Axar.az xəbər verir ki, bu barədə CNBC televiziyasına müsahibəsində krallığın Xarici İşlər naziri Adil Cubeyr deyib.

Onun sözlərinə görə, iki ölkə arasında əlaqələrin normallaşması üçün birinci rəsmi Teharan addım atmalıdır:

"Vasitəçiliyə ehtiyac yoxdur. İran rəftarını dəyişdirib Səudiyyə Ərəbistanı ilə əlaqələri normallaşdırmaq istəyini ifadə edərsə, biz də eyni şəkildə qarşılıq verərik".

Digər tərəfdən Rusiyanı "böyük güc" olaraq qəbul edən Cubeyr Moskva ilə əlaqələri inkişaf etdirməkdə maraqlı olduqlarını deyib.

"Rusiya ilə aramızdakı ticarət həcmi iki ölkənin iqtisadiyyatının ölçüsünə bərabər deyil. Səudiyyə Ərəbistanı da, Rusiya da G20 üzvüdür. Ancaq ticarət və investisiya nisbəti çox aşağıdır. Bu vəziyyəti dəyişdirmək istəyirik", - nazir qeyd edib.