İraq Hərbi Hava Qüvvələrinin Ənbar vilayətində keçirdiyi əməliyyatlar nəticəsində 75 İŞİD terrorçusu öldürülüb.

Axar.az xəbər verir ki, bu barədə İranın "Press TV" televiziyası məlumat yayıb.

Məlumata görə, İraq ordusuna aid qırıcılar Ənbar vilayətindəki Tartar gölü yaxınlığında İŞİD mövqelərinə zərbələr endirib.

Nəticədə, 75 İŞİD-çi öldürülüb, xeylisi isə yaralanıb.

Eyni zamanda İŞİD-ə aid silah-sursat daşıyan avtomobillər də məhv edilib.

Bundan əlavə, Livanın "Əl- Əhəd" xəbər saytının verdiyi məlumata görə, dünən İŞİD-in "müharibə naziri" kimi tanınan liderlərindən biri Samir Məhəmməd Mətləb Hüseyn əl-Məhləvi də Ənbar vilayətində öldürülüb.