Səudiyyə Ərəbistanı qırıcılarının Yəmənin paytaxtı Sənada İran səfirliyini bombalaması ilə bağlı Tehran hökuməti BMT-yə şikayət məktubu göndərəcək.

Axar.az xəbər verir ki, bunu İran Xarici İşlər nazirinin müavini Hüseyin Əmir Abdullayihan deyib.

O bildirib ki, İran səfirliyinin bombalanması olayı BMT-də müzakirəyə çıxarılacaq:

"Səudiyyə Ərəbistanı Yəmənin paytaxtı Sənada yerləşən İran səfirliyinin binasına diqqət etməlidir".

Qeyd edək ki, bu gün Səudiyyə Ərəbistanı qırıcıları Yəmənin paytaxtı Sənada İran səfirliyini bombalayıb. Hadisə nəticəsində səfirlik binasına ciddi ziyan dəyib və bir neçə nəfər yaralanıb.