Suriyanın Madaya şəhərinin sakinləri aclıqdan ölürlər.

Axar.az xəbər verir ki, bu barədə informasiyanı BMT-nin Suriyada humanitar fəaliyyətlə məşğul olan nümayəndələri Yaqub Xellu və Kevin Kennedi yayıb. BMT nümayəndələri şəhərin təcili olaraq humanitar yardıma ehtiyacı olduğunu bildirib:

"Təxminən 42 min insan Madayda aclıqdan əziyyət çəkir. Buradakı insanlar şəhəri tərk etmək istəyəndə onları qətlə yetirirlər. Yanvarın 5-də bu şəhərdə 53 yaşlı kişi aclıqdan ölüb, onun ailəsi isə hələ də aclıqdan əziyyət çəkir. Sonuncu dəfə bu şəhərə humanitar yardım keçən ilin oktyabrında çatdırılıb. Hazırda Suriyada 400 min insanın humanitar yardıma ehtiyacı var".