İran ilə əldə etdiyimiz nüvə razılaşmasının həyata keçirilməsinə sayılı günlər qalıb.

Axar.az xəbər verir ki, bu sözləri ABŞ Dövlət katibi Con Kerri jurnalistlərə açıqlamasında deyib.

O, İran və "5+1" ölkələri arasında iyul ayında əldə edilən razılığa münasibət bildirib:

"Nüvə müzakirələri və Səudiyyə Ərəbistanı arasında yaşanan gərginliklə bağlı İran Xarici İşlər naziri Cavad Zəriflə telefon əlaqəsi yaratdım. Hörmətli nazir razılaşmanın tələblərinin yerinə yetirilməsi üçün ciddi şəkildə çalışdıqlarını dedi. Ümid edirəm ki, yaxın zamada öhdəliklər yerinə yetirilmiş olacaq".

Kerri onu da vurğulayıb ki, yanvarın 25-də İsveçrənin Cenevrə şəhərində Suriya böhranı ilə bağlı müzakirələr başlayacaq.