ABŞ-ın ermənipərəst senatoru Bob Menendez Senatının Xarici Əlaqələr Komitəsinin sədri vəzifəsindən müvəqqəti olaraq istefa verib.

Axar.az xəbər verir ki, onun istefasına səbəb korrupsiya ittihamı ilə başlayan istintaqdır.

Qeyd edək ki, ABŞ Prokurorluğunun məlumatına əsasən, Menendez ABŞ-dan hərbi yardım üçün Misir hökumətinə lobbiçilik edib və həssas məlumatları ötürüb. Senatorun evinə baxış zamanı külli miqdarda nağd pul, dəbdəbəli avtomobillər və qızıl külçələr aşkar edilib.

Senator sentyabrın 27-də Nyu Yorkda məhkəmə qarşısına çıxacaq.

Xatırladaq ki, Menendezin erməni diasporundan aldığı külli miqdarda rüşvətə görə Azərbaycana qarşı kəskin mövqe tutduğu da bildirilir.