Səudiyyə Ərəbistanın neftlə zəngin olan şərq vilayətləri hazırda geosiyasi risklərlə üz-üzədir.

Bu sözləri Axar.az-a politoloq Zərdüşt Əlizadə deyib.

Onun sözlərinə görə, Yaxın Şərqdə qarışıqlıq olmasına baxmayaraq, region çox güclü mənafe məntiqi ilə idarə olunur:

"Səudiyyə Ərəbistanı müxtəlif hissələrə parçalanarsa, ən böyük neft yataqları ilə zəngin olan şərq vilayətləri böyük risk altında qala bilər. Xüsusilə də şiələrin çoxluq təşkil etdiyi bu bölgələrdə neft yataqları onların əlinə keçə bilər və sözügedən bölgədə yeni dövlətin yaranması ilə nəticələnə bilər. Ancaq hazırda hərbi qarşıdurmaya getmək İran və Səudiyyəyə əl vermir. Yaxın Şərqdə qarışıqlıq olmasına baxmayaraq, region çox güclü mənafe məntiqi ilə idarə olunur. Yəni təsadüfən baş vermir. Hesab edirəm ki, hələ Səudiyyə-İran qarşıdurması üçün heç bir əsas yoxdur. O ki qaldı bu gərginliyin Rusiyanın Suriya siyasətinə təsiri məsələsinə, Moskvanın Səudiyyə-İran qarşıdurmasında rolu yoxdur".