Yunanıstanda ana müxalifət partiyası Yeni Demokratiyanın (ND) sədri dəyişib.

Axar.az xəbər verir ki, Andonis Samaras sədrlikdən gedəcəyini açıqladıqdan sonra seçkilər keçirilib və Kiryakos Miçotakis partiyanın sədri seçilib.

Məlumata görə, 320 mindən çox adam seçkilərdə iştirak edib.

Kiryakos Miçotakis kimdir?

Yunanıstanın sabiq baş naziri Konstantinos Miçotakisin oğlu və sabiq xarici işlər naziri Dora Bakoyanninin qardaşı Kiriakos Miçotakis 1968-ci ildə Afinada anadan olub. ABŞ-ın Harvard Universitetini uğurla başa vuran Miçotakis daha sonra Stanford Universitetində Beynəlxalq İqtisadiyyat fakultəsində təhsil alıb.

2004-cü ildə Yeni Demokratiya Partiyasından millət vəkili seçilib.