Ordu tam şəkildə Venesuela hökumətinin mövqeyini müdafiə edəcək.

Axar.az xəbər verir ki, bunu jurnalistlərə açıqlamasında Venesuela Müdafiə naziri general Vladimir Padrino Lopes söyləyib. Onun sözlərinə görə, Venesuela ordusu istənilən vaxt Prezident Nikolas Maduroya sədaqətini nümayiş etdirməyə hazırdır.

Bəzi ekspertlər isə generalın bu addımının parlamentə xəbərdarlıq əhəmiyyəti daşıdığını və Maduronun devrilməsinə imkan verilməyəcəyinə işarə olduğunu bildirib.

Qeyd edək ki, bir müddət öncə Venesuela Parlamentinə keçirilən seçkilərdə qərbyönlü qüvvələr qalib gəlməyi bacarıb.